சிபிஐ கட்சி போஸ்டரில் ’ஒரு அடார் லவ்’ படத்தின் டீசரில் பிரபலமடைந்த நடிகை பிரியா வாரியரின் படம் இடம் பெற்றுள்ளது.
சமூக வலைத்தளங்களில் ஒரே ஒரு கண் சிமிட்டலின் மூலம் வைரலானவர் மலையாள நடிகை பிரியாவாரியர். இவர் நடித்து வரும் 'ஒரு ஆடார் லவ்' என்ற படத்தின் டீசரில் வரும் பாடலில் இவருடைய புருவ டான்ஸ் மற்றும் கண்சிமிட்டல் இந்தியா முழுவதும் பிரபலம் ஆனது.
பிரியா வாரியார் பாடிய பாடல் இஸ்லாமியர்களின் மனங்களை புண்படுத்துவதாக கூறி அவர் மீது வழக்குகள் தொடரப்பட்டது. அந்த வழக்குகளை உச்சநீதிமன்றம் தடை செய்ததால் இன்னும் பரபரப்பாகி விட்டார்.
இந்நிலையில் இந்திய கம்யூனிஸ்ட் கட்சியின் மாணவர் அணி சார்ப்பில் ஆண்டுதோறும் நடைப்பெறும் கலைத்துறை கருத்தரங்கு நிகழ்ச்சிக்கான போஸ்டரில் பிரியா வாரியரின் படம் அச்சடிக்கப்பட்டுள்ளது. மேலும் அந்த அச்சடிக்கப்பட்ட போஸ்டர்கள் கேரளா முழுவதும் ஒட்டப்பட்டுள்ளது.
ஏற்கனவே கண்சிமிட்டல் மூலம் இந்திய அளவில் பிரபலமடைந்தார், பின்பு அவர் மீதுவழக்கு தொடர்ந்து மேலும் பிரபலமாக்கினர், தற்போது போஸ்டர் ஒட்டி பிரபலமாக்கி கொண்டிருக்கின்றனர்.