“அது ஆரஞ்சு சொக்கா முருகேசா.... கலாய்த்தவரின் ஸ்டைலிலே நோஸ்கட் செய்த நடிகை!

செய்தி வாசிப்பாளராக மீடியா உலகில் நுழைந்த பிரியா பவானி சங்கர் சின்னத்திரையில் கல்யாணம் முதல் காதல் வரை என்ற தொடரில் நடித்து பிரபலமானார். அதனை தொடர்ந்து வெள்ளி திரையில் மேயாத மான் என்ற படத்தின் மூலம் அறிமுகமானார். பிறகு கடைக்குட்டி சிங்கம் படத்தில் நடித்துள்ளார். இவர் நடிப்பில் இரண்டு படங்கள் வெளியாகி இவருக்கென்று பெரிய ரசிகர்கள் கூட்டமே சேர்ந்துவிட்டது.

அதனையடுத்து எஸ்.ஜே. சூர்யாவுடன் மான்ஸ்டர் படத்தில் நடித்துள்ளார். தொடர்ந்து ஜீவா, அருள்நிதி நடிக்கும் படங்களிலும் நடிக்கிறார். இதையடுத்து துல்கர் சல்மான் உடன் ஒரு படத்தில் நடிக்கிறார். சிங்கிள் கதாநாயகிக்கு முக்கியத்துவம் கொடுக்கும் படங்களை தேர்வு செய்து நடித்துவரும் பிரியா பவானி கொஞ்சம் கேப் கிடைக்கும்போதெல்லாம் சமூகவலைத்தளங்களில் ஆக்டீவாகிவிடுவார்.

அந்தவகையில் சமீபத்தில் ஆரஞ்சு நிறத்தில் டீ ஷர்ட் அணிந்துகொண்டு எடுத்த சில போட்டோக்களை  சமூகவலைத்தளத்தில் வெளியிட்டுள்ளார்.  அதற்கு இணையவாசி ஒருவர்  “ஹல்லோ, மஞ்ச சொக்கா” என்று நக்கலாக கமெண்ட் அடித்து கலாய்க்க அவருக்கு ரிப்ளை செய்த பிரியா பவானி சங்கர் “அது ஆரஞ்சு சொக்கா முருகேசா..” என அவரது பாணியிலே ரிப்ளை கொடுத்தார்..