சிவகார்த்திகேயன் படத்தின் டைட்டிலை மறுத்த இயக்குநர்

சிவகார்த்திகேயன் படத்துக்கு ‘சீமத்துரை’ என்று வைக்கப்பட்டுள்ள டைட்டிலை, இயக்குநர் பொன்ராம் மறுத்துள்ளார்.

பொன்ராம் இயக்கத்தில் பெயரிடப்படாத படத்தில் நடித்து வருகிறார் சிவகார்த்திகேயன். ‘வருத்தப்படாத வாலிபர் சங்கம்’, ‘ரஜினி முருகன்’ படங்களைத் தொடர்ந்து மூன்றாவது முறையாக இருவரும் இணைந்துள்ளனர். இந்தப் படத்தில் சிவகார்த்திகேயன் ஜோடியாக சமந்தா நடித்து வருகிறார்.

24 ஏஎம் ஸ்டுடியோஸ் தயாரிக்கும் இந்தப் படத்துக்கு, டி.இமான் இசையமைக்கிறார். காமெடியனாக சூரி நடிக்கிறார். தென்காசி உள்ளிட்ட பகுதிகளில் படப்பிடிப்பு நடைபெற்று வருகிறது. இந்தப் படத்துக்கு ‘சீமத்துரை’ என்று தலைப்பு வைக்கப்பட்டதாகத் தகவல் வெளியானது.

ஆனால், இந்தத் தகவலை பொன்ராம் மறுத்துள்ளார். இன்னும் தலைப்பு முடிவாகவில்லை என்றும், முடிவானபின் அறிவிப்போம் என்றும் தெரிவித்துள்ளார். சிவகார்த்திகேயன் பிறந்த நாளான பிப்ரவரி 17ஆம் தேதி இந்தப் படத்தின் ஃபர்ஸ்ட் லுக் வெளியாக இருக்கிறது.