இன்று ரஜினிக்கு வில்லன்.. அன்று ஒரு வேலை சாப்பாட்டுக்கு திணறிய நடிகர்.. 100 கோடிக்கும் மேல் சொத்து..

இந்தியாவின் பிரபலமான இந்த நடிகர் வாட்ச்மேனாக வேலை பார்த்துள்ளார். சினிமாவில் தோற்றத்திற்காக கேலி செய்யப்பட்டுள்ளார். தற்போது இவர் கோடிக்கணக்கில் சம்பாதித்து வருகிறார்.

எந்தவொரு தொழிலும் முன்னேறுவது சாதாரண காரியம் அல்ல. அதுவும் சினிமாவில் உச்சத்துக்கு வருவது கடினமான காரியம். முயற்சி செய், நிச்சயம் ஒருநாள் நிறைவேறும் என்ற பழமொழி உண்டு பாலிவுட்டில் அங்கீகாரம் பெற அந்த நடிகருக்கு ஒரு தசாப்தத்திற்கும் மேலாக ஆனது.

இன்று, நவாசுதீன் சித்திக் பாலிவுட்டின் முக்கிய நடிகர்களில் ஒருவராக உலகம் முழுவதும் அறியப்படுகிறார். முசாபர்நகரில் பிறந்த நவாசுதீன் எட்டு உடன்பிறப்புகளில் மூத்தவர். நவாசுதீன் தனது இளமைப் பருவத்தின் பெரும்பகுதியை உத்தரகாண்டில் கழித்தார். மேலும் வேதியியலில் இளங்கலை அறிவியல் பட்டம் பெற்ற பிறகு, முதலில், நவாசுதீன் வேதியியலாளராக பணிபுரிந்தார்.

ஒரு வருடம் கழித்து, நவாசுதீன் தனது நடிப்பு கனவைத் தொடரவும், தேசிய நாடகப் பள்ளியில் (என்எஸ்டி) சேரவும் டெல்லிக்குப் புறப்பட்டார். டெல்லிக்கு வந்த பிறகு, நவாசுதீனுக்கு தனது நடிப்புத் திறனை அதிகரிக்க வாய்ப்பு கிடைத்தது. ஆனால் பணம் இல்லாமல் அவரால் வாழ முடியவில்லை.

அப்போது நவாசுதீன் கடன் வாங்கி, வாட்ச்மேனாக வேலை செய்து, கொத்தமல்லி விற்று பிழைப்பு நடத்தினார் என்று அவரே பேட்டியில் கூறியுள்ளார். பாலிவுட்டில் கஹானி மற்றும் கேங்க்ஸ் ஆஃப் வசேபூர் மூலம் ஒரு திருப்புமுனையை பெறுவதற்கு முன்பு, நவாசுதீன் 12 ஆண்டுகள் போராடினார்.  டைம்ஸ் நவ் அறிவித்தபடி, 2024 இல் நவாசுதீன் சித்திக்யின் நிகர மதிப்பு $15 மில்லியன்.

அதாவது இந்திய மதிப்பில் 120 கோடி ஆகும். பாலிவுட்டில் அதிக சம்பளம் வாங்கும் நடிகர்களில் ஒருவரான அவர், ஒரு படத்திற்கு சுமார் ரூ.10 கோடி வசூலிக்கிறார். திரைப்படங்கள் மற்றும் ஓடிடி ஆகியவற்றில் குறிப்பிடத்தக்க முத்திரையைப் பதித்துள்ளார்.