சிம்பு வெந்து தணிந்தது காடு படத்துக்குப் பிறகு பத்து தல படத்தில் கவனம் செலுத்தி வருகிறார்.
கன்னடத்தில் ஹிட்டடித்த மப்டி படத்தை தமிழில் முதலில் அதே பெயரில் ரீமேக் செய்ய முடிவெடுத்தார் தயாரிப்பாளர் ஞானவேல் ராஜா. இந்த படத்தின் நாயகனாக கௌதம் கார்த்திக்கும், முக்கியமான ஒரு வேடத்தில் சிம்பு நடிக்கவும் ஒப்பந்தமாகி சில நாட்கள் படப்பிடிப்பு நடந்தது. ஆனால் அதன் பிறகு சிம்பு படப்பிடிப்பில் கலந்து கொள்ளாததால் நிறுத்தப்பட்டது.
இப்போது சில பல மாற்றங்களோடு அந்த படம் மீண்டும் தொடங்கப்பட்டு சிம்பு இல்லாத மற்ற காட்சிகள் அனைத்தும் படமாக்கப்பட்டு விட்டன. சிம்புவுக்காக படக்குழு காத்திருக்கிறது. இந்நிலையில் இப்போது வெந்து தணிந்தது காடு படத்தை முடித்த சிம்பு கர்நாடகாவில் நடந்த ஷூட்டிங்கில் கலந்து கொண்டார்.
வெந்து தணிந்தது காடு ரிலீஸை ஒட்டி அதன் ப்ரமோஷனில் அவர் கலந்துகொண்ட நிலையில் இப்போது மீண்டும் சிம்பு ஷூட்டிங்கில் கலந்துகொண்டு வருகிறார். இப்போது ஷூட்டிங் ஸ்பாட்டில் சிம்பு உள்ளிட்ட படக்குழுவினர் இருக்கும் புகைப்படங்கள் இணையத்தில் வைரலாகி வருகின்றன.
இதையடுத்து வசனப் பகுதிகள் அனைத்தும் படமாக்கப்பட்டு விட்டதாகவும், ஆக்ஷன் மற்றும் பாடல் காட்சிகள் மட்டுமே இன்னும் படமாக்கப்பட வேண்டி உள்ளதாகவும் படக்குழுவினர் தெரிவித்துள்ளனர்.