கர்ணன் படத்துக்கு முதல் முதலில் வைக்கப்பட்ட தலைப்பு இதுதான்!

தனுஷ் நடிப்பில் மாரி செல்வராஜ் இயக்கத்தில் வெளியான கர்ணன் திரைப்படம் மிகப்பெரிய வெற்றியைப் பெற்றுள்ளது.

மாரி செல்வராஜ் இயக்கத்தில் தனுஷ் நடித்துள்ள படம் கர்ணன். கலைப்புலி எஸ் தாணு தயாரித்துள்ள இந்த படத்தின் பாடல்கள் சமீபத்தில் வெளியாகி மக்களிடையே பெரும் வரவேற்பை பெற்ற நிலையில் ஏப்ரல் 9 ஆம் தேதி காலை படம் வெளியானது. இந்நிலையில் இந்த படத்துக்கு தனுஷ் ரசிகர்கள் உற்சாகமான வரவேற்பைக் கொடுத்து வருகின்றனர். தனுஷ் படத்துக்கு இதுவரை இல்லாத முதல் நாள் வசூல் கிடைத்துள்ளதாக சொல்லப்படுகிறது. அதற்கடுத்த நாட்களிலும் வசூல் குறையாமல் உள்ளது.

வார இறுதி நாட்களுக்குப் பிறகும் திரையரங்குகளில் நல்ல கூட்டம் இருப்பதாக சொல்லப்படுகிறது. இந்நிலையில் இந்த படத்துக்கு முதலில் வைக்கப்பட்ட பெயர் கர்ணன் இல்லை என்று படத்தின் கலை இயக்குனர் ராமலிங்கம் தெரிவித்துள்ளார். முதலில் பாண்டிய ராஜாக்கள் என்றுதான் பெயர் வைக்கப்பட்டு இருந்ததாக சமீபத்தில் அவர் அளித்த நேர்காணலில் கூறியுள்ளார்.