பார்வதியா இது? கடும் எதிர்ப்பு தெரிவிக்கும் ரசிகர்கள்!

மலையாள நடிகை பார்வதி சமீபத்தில் நடிகர் பிருத்விராஜ் உடன் நடித்திருந்த முத்த காட்சி தற்போது விமர்சனங்களுக்கு உள்ளாகியுள்ளது. இந்த காட்சியால் ரசிகர்கள் பார்வதிக்கு கடும் எதிர்ப்பு தெரிவித்து வருகின்றனர். 

தமிழில் பூ, சென்னையில் ஒரு நாள், மரியான், உத்தமவில்லன், பெங்களூர் நாட்கள் போன்ற பல படங்களில் கதாநாயகியாக நடித்திருக்கிறார் பார்வதி. தற்போது பிருத்விராஜ் ஜோடியாக ‘மை ஸ்டோரி’ என்ற மலையாள படத்தில் நடித்திருக்கிறார்.

இந்த படத்தின், பாடல் காட்சி சமீபத்தில் இணைய தளத்தில் வெளியானது. இந்த பாடலில் பார்வதி, ஹீரோவுடன் அழுத்தமான லிப் டு லிப் காட்சியில் நடித்து ரசிகர்களை அதிர்ச்சியில் உறைய வைத்திருக்கிறார்.

நடிப்பு திறமையை வெளிக்காட்டும் வேடங்களை மட்டுமே தேர்வு செய்து நடிப்பதாகவும் பலமுறை பேட்டியில் குறிப்பிடும் பார்வதி இது போன்ற காட்சியில் நடித்திருப்பதால் ரசிகர்கள் பலர் எதிர்ப்பு தெரிவித்துள்ளனர்.