லிப் – லாக் இல்லாத சிம்பு படம்

சிம்பு நடிப்பில் நாளை ரிலீஸாக இருக்கும் ‘அன்பானவன் அசராதவன் அடங்காதவன்’ படத்தில், ஒரு லிப் லாக் ஸீன் கூட இல்லையாம்.

ஆதிக் ரவிச்சந்திரன் இயக்கத்தில் சிம்பு நடித்துள்ள படம் ‘அன்பானவன் அசராதவன் அடங்காதவன்’. இரண்டு பாகங்களாக வெளியாகும் இந்தப் படத்தின் முதல் பாகம், நாளை ரிலீஸாக இருக்கிறது. இதில், அஸ்வின் தாத்தா மற்றும் மதுர மைக்கேல் என இரண்டு கேரக்டர்களில் நடித்துள்ளார் சிம்பு. அவருக்கு ஜோடியாக தமன்னா மற்றும் ஸ்ரேயா சரண் இருவரும் நடித்துள்ளனர்.

ஆதிக் ரவிச்சந்திரனின் முதல் படமான ‘த்ரிஷா இல்லேன்னா நயன்தாரா’வுக்கு ‘ஏ’ சர்ட்டிஃபிகேட் கொடுத்திருந்தனர் சென்சார் அதிகாரிகள். எனவே, இந்தப் படத்தில் ஆபாசத்தைக் கொஞ்சம் குறைத்துள்ளார் ஆதிக். இருந்தாலும், படத்துக்கு ‘ஏ’ சர்ட்டிஃபிகேட் தான் தருவோம் என்றார்களாம். காரணம், முதல் டீஸரில் இடம்பெற்றிருந்த சிம்பு – ஸ்ரேயாவின் லிப் லாக் தான். அந்தக் காட்சியை வெட்டிவிட்டு, ‘யு/ஏ’ கொடுத்துள்ளனர்.