நிவின் பாலி நடித்துள்ள ‘ரிச்சி’ படத்தின் டிரெய்லர் விரைவில் வெளியாகும் என அறிவிக்கப்பட்டுள்ளது.
கெளதம் ராமச்சந்திரன் இயக்கத்தில் நிவின் பாலி நடித்துள்ள படம் ‘ரிச்சி’. நிவின் பாலியுடன் சேர்ந்து நட்டி, ஷ்ரத்தா ஸ்ரீநாத், பிரகாஷ் ராஜ் ஆகியோர் நடித்துள்ளனர். தூத்துக்குடியை மையப்படுத்திய இந்தக் கதையில், தாதாவாக நடித்துள்ளார் நிவின் பாலி.
இந்தப் படம், அடுத்த மாதம் 8ஆம் தேதி ரிலீஸாக இருக்கிறது. ஆனால், இன்னும் இந்தப் படத்தின் டிரெய்லர் ரிலீஸாகவில்லை. இந்தப் படத்தின் இசையமைப்பாளரான அஜ்னீஸ், டிரெய்லருக்கான பின்னணி இசையை முடித்துவிட்டதாகவும், விரைவில் டிரெய்லர் ரிலீஸாகும் என்றும் அறிவித்துள்ளார். ஒரு நிமிடம் 26 விநாடிகளுக்கு இந்த டிரெய்லர் கட் செய்யப்பட்டுள்ளது.