விஜய் சேதுபதியை அடுத்து லேடி சூப்பர் ஸ்டாரை இயக்கும் நித்திலன்?

விதார்த், பாரதிராஜா ஆகியோர் நடிப்பில் உருவான குரங்கு பொம்மை படத்தை இயக்கியவர் நித்திலன். இந்த படம் விமர்சன ரீதியாக நல்ல வரவேற்பைப் பெற்ற நிலையில் அடுத்து அவர் நயன்தாரா நடிப்பில் ஒரு படத்தை இயக்க ஒப்பந்தம் ஆனார். ஆனால் அந்த படம் தொடங்குவதில் தாமதம் ஆகிக்கொண்டே இருந்ததால் அவர் தன்னுடைய அடுத்த படத்தில் கவனம் செலுத்த தொடங்கினார்.

இப்போது அவர் விஜய் சேதுபதியின் ஐம்பதாவது படமான மகாராஜா படத்தை இயக்கி முடித்துள்ளார். இந்த படத்தின் ஷூட்டிங் கடந்த ஆண்டு மத்தியில் தொடங்கி இறுதியில் முடிவடைந்தது. இந்த படத்தில் அனுராக் காஷ்யப் வில்லனாக நடித்துள்ளார்.

விரைவில் இந்த படம் ரிலீஸாகும் என எதிர்பார்க்கப்படும் நிலையில், நித்திலன் இயக்கப் போகும் அடுத்த படம் பற்றிய அப்டேட் வெளியாகியுள்ளது. அவர் ஏற்கனவே கமிட்டான நயன்தாரா படத்தை மீண்டும் தொடங்க உள்ளதாக சொல்லப்படுகிறது.