தள்ளி வைக்கபப்ட்ட நெஞ்சுக்கு நீதி டீசர் வெளியீடு!

உதயநிதி ஸ்டாலின் நடிப்பில் அருண் ராஜா காமராஜ் இயக்கத்தில் உருவாகி வரும் நெஞ்சுக்கு நீதி திரைப்படத்தின் டீசர் நேற்று மாலை 6 மணிக்கு வெளியாவதாக இருந்தது.

நடிகரும் தயாரிப்பாளருமான உதயநிதி, அருண்ராஜா காமராஜ் இயக்கி வரும் நெஞ்சுக்கு நீதி படத்தில் நடித்து வருகிறார். இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இப்போது மொத்தமாக படப்பிடிப்பு முடிந்துவிட்டதாக சொல்லப்படுகிறது. விரைவில் ரிலிஸுக்கான பணிகள் தொடங்க உள்ளன.

உதயநிதி சட்டமன்ற உறுப்பினராக ஆனதற்குப் பின்னர் வெளியாக உள்ள முதல் திரைப்படம் என்பதால் இதன் மீது பெரும் நம்பிக்கையில் இருக்கிறாராம். இந்நிலையில் படத்தின் பெரும்பாலான வேலைகள் முடிந்துவிட்ட நிலையில் மார்ச் மாதம் வெளியாக வாய்ப்புள்ளதாக சொல்லப்படுகிறது. இந்நிலையில் நேற்று இந்த படத்தின் டீசர் வீடியோவை வெளியிடுவதாக படக்குழு அறிவித்திருந்தது. ஆனால் மூத்த பாடகி லதா மங்கேஷ்கரின் மறைவை ஒட்டி இந்திய சினிமாவினர் துக்கம் அனுசரித்து வருவதால் டீசர் வெளியீட்டை ஒத்தி வைப்பதாக நெஞ்சுக்கு நீதி படக்குழு அறிவித்துள்ளது.