’வாரிசு’ டிரைலருக்கு குவியும் நெகட்டிவ் கமெண்ட்ஸ்: விஜய் ரசிகர்கள் அதிர்ச்சி!

தளபதி விஜய் நடித்த வாரிசு திரைப்படத்தின் டிரைலர் இன்று மாலை 5 மணிக்கு வெளியான நிலையில் இந்த டிரைலர் விஜய் ரசிகர்கள் மத்தியில் மிகப்பெரிய வரவேற்பை பெற்றுள்ளது. 

பத்தே நிமிடத்தில் ஒரு மில்லியன் பார்வையாளர்கள் இந்த டிரைலரை பார்த்துள்ளதாக கூறப்படும் நிலையில் எந்த அளவுக்கு பாசிட்டிவ் விமர்சனங்கள் கிடைக்கின்றதோ அதே அளவுக்கு நெகட்டிவ் விமர்சனங்களும் இந்த டிரைலருக்கு அதிகரித்து வருகிறது 

டிரைலரை பார்க்கும்போது படம் முழுக்க முழுக்க தெலுங்கு படம் மாதிரி இருக்கிறது என்றும் பஞ்ச் வசனங்கள் போலித்தனமாக இருக்கிறது என்றும் நடுநிலை ரசிகர்கள் தெரிவித்து வருகின்றனர். 

மேலும் இந்த படத்தை பார்க்கும் போது பல மகேஷ் பாபு மற்றும் அல்லு அர்ஜுன் படங்கள் தான் ஞாபகம் வருகிறது என்றும் தமிழுக்கு இந்த படம் எடுபடுமா என்பது கேள்விக்குறியே என்றும் பலர் கமென்ட் பகுதியில் தெரிவித்து வருகின்றனர். ஆனால் விஜய் ரசிகர்கள் முழுக்க முழுக்க இந்த ட்ரைலரை ரசித்து வருகின்றனர் என்பது குறிப்பிடத்தக்கது.

Edited by Mahendran