கெஸ்ட் ரோலில் நடிக்கும் நீது சந்திரா

நகுல் நடிக்கும் ‘பிரம்மா டாட் காம்’ படத்தில், நடிகையாகவே நடிக்கிறார் நீது சந்திரா.

‘வைகை எக்ஸ்பிரஸ்’ படத்துக்குப் பிறகு தமிழில் நீது சந்திரா நடிக்கும் படம் ‘ பிரம்மா டாட் காம்’. நகுல் ஹீரோவாக நடிக்கும் இதை, விஜயகுமார் இயக்குகிறார். இந்தப் படத்தில், நடிகையாகவே நடிக்கிறார் நீது சந்திரா. அதுவும் கெஸ்ட் ரோலில். அதற்காக வந்துபோகிற கேரக்டர் என்று நினைத்துவிட வேண்டாம். கொஞ்சம் பெரிய கெஸ்ட் ரோல் அவருக்கு. நகுலுடன் ஒரு பாட்டுக்கு டான்ஸ் வேறு ஆடியிருக்கிறார்.

கோலிவுட்டில் கெஸ்ட் ரோலில் நடிப்பது ஏன்? என்று பல பேர் என்னிடம் கேட்டார்கள். என்னுடைய பாலிவுட் படங்களும், தியேட்டரும் (நாடகம்) தமிழ்ப் படங்களால் பாதிக்கக் கூடாது என நினைக்கிறேன். ஆனால், என்னுடைய ரசிகர்கள் என்னை நினைவில் வைத்திருப்பதற்காக கெஸ்ட் ரோலில் நடிக்கிறேன்” என்று தெரிவித்துள்ளார் நீது சந்திரா.