கங்கனா ரனாவத்துக்கு எல்லா நடிகர்களோடும் பிரச்சனை… ஆனால் மோடியைத் தவிர – செம்மையாக கலாய்த்த நடிகர்!

நடிகை கங்கனா ரனாவத் மோடியைத் தவிர மற்ற எல்லா நடிகர்களோடும் பிரச்சனை உண்டு என நடிகர் நஸ்ருதின் ஷா பேசியுள்ளார்.

பாலிவுட்டின் முன்னணி நடிகைகளில் ஒருவராக இருக்கும் கங்கனா ரணாவத் தன்னைத்தானே புகழ்ந்து கொண்டது பெரும் பரபரப்பை ஏற்படுத்தி உள்ளது. உலகிலேயே என்னை போன்று நடிப்பில் வித்தியாசமான தன்மைகளைக் கொண்டவர் யார் இருக்கிறார்? என கேள்வி எழுப்பிய கங்கனா ரணாவத், என்னைவிட நடிப்பில் சிறந்தவர்களை அடையாளம் காட்டினால் என் ஆணவத்தை விட்டு விடுகிறேன் என்று அவர் சவால் விடுத்துள்ளார்.

தீவிர பாஜக ஆதரவாளரான கங்கனா தன் சக நடிகர்கள் அனைவரோடும் ஏதாவது பிரச்சனைகள் செய்துகொண்டே சர்ச்சைகளை தன்னை சுற்றி வைத்திருப்பார். இந்நிலையில் பாலிவுட்டின் முன்னணி நடிகரான நஸ்ருதின் ஷா தன்னுடைய டிவீட்டில் ‘கங்கனாவுக்கு மோடியைத் தவிர எல்லா நடிகர்களோடும் பிரச்சனைகள் உள்ளன’ எனக் கூறியுள்ளார். மோடியை நடிகர் என அவர் கூறியது இப்போது வைரலாகி வருகிறது.