இயக்குனர் ஏ ஆர் முருகதாஸ் விஜய்யை வைத்து துப்பாக்கி, கத்தி மற்றும் சர்கார் ஆகிய ஹிட் படங்களைக் கொடுத்தவர். அந்த வரிசையில் நான்காவது படமாக விஜய் 65 படத்தை அவர்தான் இயக்க இருந்தார். ஆனால் அவர் ரஜினியை வைத்து இயக்கிய தர்பார் படம் மிகப்பெரிய தோல்வியை அடைந்த நிலையிலும், சம்பளம் விஷயத்தில் ஏற்பட்ட முரண்பாடுகளாலும் முருகதாஸ் அந்த படத்தில் இருந்து விலகினார். அதையடுத்து மீண்டும் ஹிட் படம் கொடுத்து கம்பேக் கொடுக்க வேண்டுமென நினைத்த இப்போது அவர் சிவகார்த்திகேயனுடன் இணைந்து ஒரு படத்தை உருவாக்க உள்ளதாக தகவல்கள் வெளியாகியுள்ளன. இந்த படத்தை ஸ்பைடர் படத்தின் தயாரிப்பு நிறுவனம் தயாரிக்க உள்ளதாக சொல்லப்படுகிறது.
இந்நிலையில் சில மாதங்களுக்கு முன்னர் இந்த படம் பற்றி இயக்குனர் முருகதாஸ் பேசியிருந்தார். ஒரு நேர்காணலில் “சிவகார்த்திகேயன் படம் பண்ணுவது பற்றி பேச்சுவார்த்தை நடந்து கொண்டிருக்கிறது” எனக் கூறியிருந்தார். ஆனால் சிவகார்த்திகேயன் அடுத்தடுத்து படங்களில் நடித்து வருவதால் இப்போது பாலிவுட்டில் சல்மான் கானை வைத்து ஒரு படத்தை இயக்கும் பணிகளில் இறங்கியுள்ளாரம் முருகதாஸ். இந்த படம் சல்மான் கான் நடித்த ஒரு ஹிட் படத்தின் இரண்டாம் பாகமாக உருவாக உள்ளதாக சொல்லப்படுகிறது.