கைதி படத்தை தொடர்ந்து விஜய்யை வைத்து மாஸ்டர் படத்தை இயக்கி வருகிறார் லோகேஷ் கனகராஜ். இப்படத்தில் விஜய்க்கு ஜோடியாக மாளவிகா மோகனனும், வில்லன் கதாபாத்திரத்தில் நடிகர் விஜய் சேதுபதியும் நடிக்கின்றனர்.
ராக்ஸ்டார் அனிருத் இசையமைக்கும் இப்படத்தின் படப்பிடிப்பு டெல்லி, கர்நாடகா ஆகிய இடங்களில் நடைபெற்று வருகிறது. வருகிற ஏப்ரல் மாதம் கோடை விடுமுறை தினத்தை குறிவைத்து வெளியாகவுள்ள இப்படத்தின் இரண்டு போஸ்டர்கள் வெளியாகி நல்ல வரவேற்பை பெற்றுள்ளன. இப்படத்தின் ஷூட்டிங் பல்வேறு தடங்கலுக்கு பிறகு நெய்வேலி நிலக்கரி சுரங்கத்தில் விறு விறுப்பாக நடைபெற்று நிறைவடைந்தது. படப்பிடிப்பிற்கு ஒத்துழைத்த ரசிகர்களுக்கு நன்றி செலுத்தும் வகையில் நன்றி நெய்வேலி என குறிப்பிட்டு செல்பி புகைப்படத்தை வெளியிட்டிருந்தார்.
இந்நிலையில் தற்போது படத்தின் இறுதி கட்ட வேலைகள் துவங்கியுள்ள நிலையில் படத்தின் அப்டேட் இனி ஆரம்பம் என்பதை தெரிவிக்கும் வகையில் " என்ன நண்பா ரெடியா...? என கேட்டு ரசிகர்களை படக்குழு லார்ட் செய்துள்ளனர்.இந்த தகவலை அறிந்த விஜய் ரசிகர்கள் மாஸ்டரை கொண்டாட இப்போதே தயாராகிவிட்டனர்.