மாஸ்டர் தெலுங்கு பதிப்பு மிகப்பெரிய வெற்றி பெற்றுள்ள நிலையில் படத்தை வாங்கிய விநியோகஸ்தர் விஜய்யை சந்தித்து நன்றி கூறியுள்ளார்.
விஜய் நடிப்பில் பெரும் எதிர்பார்ப்பில் வெளியான திரைப்படம் மாஸ்டர். தமிழ், தெலுங்கு, கன்னடம் மற்றும் முதல் முறையாக இந்தியில் டப்பிங் செய்யப்பட்டு இந்தியா முழுவதும் வெளியானது. தென்னிந்தியாவில் மிகப்பெரிய வெற்றியைப் பெற்றுள்ள நிலையில் மாஸ்டர் திரைப்படம் இந்தியில் படுதோல்வி என்று சொல்லப்படுகிறது. ஆனாலும் தென்னிந்தியாவில் மிகப்பெரிய வெற்றியைப் பெற்றுள்ளது. வாரவிடுமுறை முடிந்துள்ள நிலையில் பல திரையரங்குகளில் மாஸ்டர் படத்தின் வசூல் குறைய ஆரம்பித்துள்ளது. ஆனாலும் மாஸ்டர் படத்துக்காக அதிக தொகை செலவு செய்துள்ளதால் மேற்கொண்டும் மாஸ்டர் படத்தையே ஓட்ட திரையரங்க உரிமையாளர்கள் ஆர்வம் காட்டுவதாக சொல்லப்படுகிறது.
இந்நிலையில் மாஸ்டர் படம் தெலுங்கில் மிகப்பெரிய வெற்றி பெற்றுள்ளது. இதனால் படத்தை வாங்கிய விநியோகஸ்தர்கள், திரையரங்க உரிமையாளர்கள் ஆகியோர் வரை நல்ல லாபம் பார்த்துள்ளனர். இந்த படத்தை வாங்கிய மகேஷ் கொனேரு விஜய்யை நேரில் சந்தித்து நன்றி தெரிவித்துள்ளார்.