மணிரத்னம் படம்தான் முதலில்

கார்த்தி கஷ்மோரா படத்தை முடித்ததும் மணிரத்னம் படத்திற்கு பதில், சதுரங்க வேட்டை வினோத்தின் இயக்கத்தில் நடிக்க உள்ளார் என நேற்று எழுதியிருந்தோம்.

ஆனால், வினோத்தின் படத்திற்கு முன்னால் மணிரத்னம் படம் தொடங்கப்படும் என மணிரத்னத்தின் அலுவலக வட்டாரம் கூறியுள்ளது.

மணிரத்னம் சென்ற வருட இறுதியிலேயே படத்தை தொடங்கியிருக்க வேண்டியது. நடிகர் மாற்றம், நடிகைகள் மாற்றம், கதை மாற்றம் என்று மாற்றி மாற்றி இதுவரை படம் தொடங்குவதாக இல்லை. நவம்பர் மாதமே அவரது படம் தொடங்கும், அதற்குமுன் வினோத் இயக்கத்தில் கார்த்தி ஒரு படம் நடிப்பார் என கூறப்பட்டது.

இந்நிலையில் தூக்கத்திலிருந்து விழித்ததுபோல் இந்த செய்தியை மறுத்துள்ளனர். கஷ்மோரா முடிந்ததும் மணிரத்னம் படம் தொடங்கும், அதில்தான் கார்த்தி முதலில் நடிப்பார் என கூறியுள்ளனர்.

இந்த மாத இறுதியில் கஷ்மோரா படப்பிடிப்பு நிறைவடைகிறது.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்