பெண்களை மோசமாக சித்தரித்து யுடியூபில் வீடியோ – ஒன்றுதிரண்டு சென்று பெண்கள் புகட்டிய பாடம்!

கேரளாவில் தன்னுடைய யுடியூப் சேனலில் பெண்களை மோசமாக சித்தரித்த நபரை சினிமா டப்பிங் கலைஞர்கள் நேரில் சென்று பாடம் புகட்டியுள்ளனர்.

கேரள மாநிலம் திருவனந்தபுரத்தைச் சேர்ந்தவர் விஜய் பி நாயர். இவர் ஒரு யுடியூப் சேனலை நடத்தி வருகிறார். பெண்களை ஆபாசமாகச் சித்தரித்தும், கொச்சைப்படுத்தியும் வீடியோக்களை வெளியிட்டு வந்துள்ளார். இதனால் அவர் மேல் பெண்கள் கோபமாக இருந்துள்ளனர். இந்நிலையில் சில தினங்களுக்கு முன்னர் அவர் பெண் டப்பிங் கலைஞர்களை அவமானப்படுத்தும் விதமாக பேச அது சர்ச்சையானது.

இதனால் ஆத்திரமடைந்த சில பெண் டப்பிங் கலைஞர்கள், அவரிடத்துக்கு சென்று அவரை அடித்து மன்னிப்பு கேட்க வைத்து யூடியூப்பில் வீடியோ வெளியிட்டு இருந்தனர். இந்த வீடியோ வைரலானதை அடுத்து அவர் இப்போது கைது செய்யப்பட்டுள்ளார்.