கே.எஸ்.ரவிக்குமார் இயக்கத்தில் ரஜினி நடித்துவரும் லிங்கா படத்தின் உலகளாவிய வெளியீட்டு உரிமையை ஈராஸ் இன்டர்நேஷனல் வாங்கியது. அந்நிறுவனம் சார்பில் வெளியிடப்பட்ட செய்தியில் இதனை அதிகாரப்பூர்வமாக அறிவித்துள்ளனர்.
ரஜினியின் எதிர்பார்ப்புக்குரிய லிங்காவை நாங்கள் வெளியிடுவதில் மகிழ்ச்சியடைகிறோம். உலகம் முழுவதும் உள்ள ரசிகர்கள், எந்திரனுக்குப் பிறகு ரஜினி நடித்திருக்கும் லைவ் ஆக்ஷன் படமான லிங்காவை பார்க்க ஆவலுடன் உள்ளனர் என்று ஈராஸின் மேனேஜிங் டைரக்டர் சுனில் லுல்லா தெரிவித்துள்ளார்.
ஈராஸ் போன்ற ஒரு நிறுவத்துடன் இணைவதில் பெருமையடைவதாகவும், அவர்களின் சர்வதேச சந்தை காரணமாக லிங்கா அதிகபட்ச ரசிகர்களை சென்றடையும் என லிங்காவின் தயாரிப்பாளர் ராக்லைன் வெங்கடேஷ் மகிழ்ச்சி தெரிவித்துள்ளார்.
