கைதி 2 படத்தில் இந்த பிரபல ஹீரோதான் வில்லன்?... லோகேஷ் எடுத்த முடிவு!

கார்த்தி நடிப்பில் சில ஆண்டுகளுக்கு முன்னர் வெளியான திரைப்படம் கைதி. மிகப்பெரிய வெற்றி பெற்ற நிலையில் அதன் இரண்டாம் பாகம் உருவாகும் என சொல்லப்படுகிறது.

மாநகரம், கைதி ஆகிய இரண்டு திரைப்படங்களை இயக்கிய இயக்குனர் லோகேஷ் கனகராஜ் அடுத்ததாக விஜய் மற்றும் கமல் ஆகியோர் நடிப்பில் மாஸ்டர் மற்றும் விக்ரம் ஆகிய படங்களை இயக்கினார். இதனால் கைதி 2 படம் இப்போதைக்கு உருவாகுமா என்ற சந்தேகம் எழுந்தது. இந்நிலையில் தயாரிப்பாளர் எஸ் ஆர் பிரபுவிடம் ரசிகர்கள் இந்த கேள்வியை முன்வைத்த போது ‘கைதி 2 கண்டிப்பாக உருவாகும். அதற்கான வேலைகள் நடந்துகொண்டிருக்கின்றன’ எனக் கூறி இருந்தார்.

இந்நிலையில் கைதி 2 திரைப்படத்தில் வில்லனாக நடிக்க நடிகர் லாரன்ஸிடம் பேச்சுவார்த்தை நடத்தப்படுவதாக தகவல்கள் வெளியாகியுள்ளன. மேலும் சூர்யா, தன்னுடைய ரோலக்ஸ் கதாபாத்திரத்தில் நடிப்பார் என்றும் சொல்லப்படுகிறது.