சண்டைக் காட்சியில் ஏற்பட்ட விபத்தில் ராய் லட்சுமிக்கு காயம் என்றதும் என்ன ஏது என்று சிலராவது பதறியிருப்பார்கள். அவரது பேஸ்புக் பக்கத்தைப் பார்த்த பிறகுதான் புரிந்தது. காயமே அது பொய்யடா.
சவுகார்பேட்டை படத்தில் பேயாக நடிக்கிறார் ராய் லட்சுமி. பேய் என்றால் பறக்க வேண்டுமே. ராய் லட்சுமியின் உடம்பில் கயிறுகட்டி மேலே தூக்கியிருக்கிறர்கள். அதில் கையில் கொஞ்சம் கயிறு சிராய்த்துவிட்டது. சித்தாள் வேலை செய்கிறவர்கள் ரத்தமே வந்தாலும் எச்சிலை தடவிவிட்டு அடுத்த வேலையை பார்க்கப் போய்விடுவார்கள். ராய் லட்சுமி நட்சத்திரமாயிற்றே.
பேஸ்புக்கில் படத்தைப் போட்டு அனைவரையும் கதற வைத்துவிட்டார். ராய் லட்சுமியின் ரசிகர்களுக்கு அவரது முகப்புத்தகத்தைப் பார்த்த பிறகுதான் முகத்தில் நிம்மதியே.
