தமிழ் சினிமாவில் மதுபானக் கடை என்ற வித்தியாசமான திரைப்படம் மூலமாக அறிமுகமானார் இயக்குனர் கமலக் கண்ணன். இந்த படம் வணிக ரீதியாக வெற்றி பெறவில்லை என்றாலும் விமர்சன ரீதியாக பாராட்டுகளைப் பெற்றது. இதையடுத்து அவர் சிபிராஜ், ஆண்ட்ரியா மற்றும் அதுல்யா ரவி ஆகியோர் நடிப்பில் வட்டம் என்ற படத்தை இயக்கினார். இந்த படம் நேரடியாக ஓடிடியில் ரிலீஸ் ஆனது. இந்த படம் விமர்சன் ரீதியாக கலவையான விமர்சனங்களைப் பெற்றது.
இதையடுத்து அவர் குழந்தைகளை வைத்து குரங்கு பெடல் என்ற படத்தை இயக்கியுள்ளார். இந்த படத்தை சிவகார்த்திகேயன தன்னுடைய ‘சிவகார்த்திகேயன் புரொடக்ஷன்ஸ்” நிறுவனம் மூலமாக வெளியிடுகிறார். இந்த படத்தின் அறிமுக டீசர் வெளியாகி கவனம் ஈர்த்துள்ளது.
இந்நிலையில் இந்த படம் மே 3 ஆம் தேதி ரிலீஸ் ஆகவுள்ளதாக அதிகாரப்பூர்வமாக அறிவிக்கப்பட்டுள்ளது. குழந்தைகள் கோடைவிடுமுறையில் கண்டுகளிக்கக் கூடிய ஒரு அழகான திரைப்படமாக குரங்கு பெடல் இருக்கும் என்று எதிர்பார்க்கப்படுகிறது.