ரிலீசுக்கு முன்னரே ரசிகர்களை ஏமாற்றிய 'கொலைகாரன்' படக்குழு

விஜய் ஆண்டனி, அர்ஜூன் நடித்த த்ரில், சஸ்பென்ஸ் படமான 'கொலைகாரன்' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவடைந்து ரிலீசுக்கு தயாராக இருக்கும் நிலையில் இந்த படத்தின் ரிலீஸ் தேதி இன்று அறிவிக்கவிருப்பதாக படக்குழுவினர் தெரிவித்திருந்தனர்.

இதனையடுத்து விஜய் ஆண்டனி மற்றும் அர்ஜூன் ரசிகர்கள் இன்று ஆவலுடன் 'கொலைகாரன்' ரிலீஸ் தேதியை எதிர்பார்த்து காத்திருந்தனர். இந்த நிலையில் ஓரிரு முக்கிய திரைப்படங்களின் ரிலீஸ் தேதி விரைவில் அறிவிக்கப்படும் என எதிர்பார்ப்பதால் 'கொலைகாரன்' படத்தின் ரிலீஸ் தேதி குறித்த அறிவிப்பை இன்னும் இரண்டு நாட்கள் கழித்து அறிவிக்கவுள்ளதாக படக்குழுவினர் தெரிவித்துள்ளனர். இதனால் ரசிகர்கள் ஏமாற்றம் அடைந்துள்ளனர்.

விஜய் ஆண்டனி, அர்ஜூன், ஆஷிமா, சீதா, நாசர், சத்யன், குருசோமசுந்தரம், மயில்சாமி, ஜான் விஜய் உள்பட பலர் நடித்துள்ள இந்த படத்தை ஆண்ட்ரூ ஏகாம்பரம் இயக்கியுள்ளார். சைமன் கிங் இசையில் முகேஷ் ஒளிப்பதிவில் விவேக் ஹர்ஷன் படத்தொகுப்பில் இந்த படம் உருவாகியுள்ளது