சூர்யா நடிப்பில் செப்டம்பர் 20 ஆம் தேதி வெளியாக இருக்கும் காப்பான் படத்தின் தமிழ்நாடு விநியோக உரிமை இன்னும் விற்பனை ஆகாமல் உள்ளதாக தகவல் பரவியுள்ளது.
லைகா நிறுவனம் பிரம்மாண்டமாக தயாரித்த 2.0 படம் உலகம் முழுவதும் வசூலை வாரிக் குவித்ததாக சொல்லப்பட்டாலும் தமிழ்நாட்டில் எதிர்பார்த்த வெற்றியைப் பெறவில்லை. இதனால் விநியோகஸ்தர்களுக்கு லைகா நிறுவனம் கோடிக்கணக்கில் பணம் திரும்பத் தரவேண்டிய கட்டாயத்தில் உள்ளது.
இதனால் அந்நிறுவனத்தின் அடுத்தப் படைப்பான காப்பான் படத்தை ரிலிஸ் செய்வதில் பிரச்சனை ஏற்பட்டுள்ளது. ஏற்கனவே தங்களுக்குப் பலகோடி தரவேண்டிய லைகா நிறுவனம் இந்தப் படத்தை கம்மியான விலைக்குத் தரவேண்டும் என விநியோகஸ்தர்கள் கூறியுள்ளனர். ஆனால் லைகா நிறுவனமோ காப்பான் படத்தை அதிகவிலை சொல்லி தங்கள் தலையில் காட்டப் பார்க்கிறது என குற்றம் சாட்டியுள்ளனர்.