காந்தாரா படத்தின் இந்தி வெர்ஷன் நெட்பிளிக்ஸ் ஓடிடியில் வெளியாக உள்ளது.
கடந்த செப்டம்பர் மாதம் ரிலீஸான காந்தாரா திரைப்படம் பாராட்டுகளைப் பெற்று இந்தியா முழுவதும் வசூலில் கலக்கியது. ஆனால் இந்த திரைப்படத்தில் காடுகளில் வசிக்கும் பழங்குடி இன மக்களுக்கு எதிரான கருத்துகள் உள்ளதாக இடதுசாரியினர் கடுமையான விமர்சனங்களை வைத்தனர்.
கிட்டத்தட்ட 400 கோடி ரூபாய் அளவுக்கு வசூலித்துள்ள காந்தாரா திரைப்படம், அமேசான் ப்ரைம் ஓடிடி தளத்தில் தென்னிந்திய மொழிகளில் ரிலீஸானது. இதையடுத்து இப்போது காந்தாரா படத்தின் இந்தி வெர்ஷன் நெட்பிளிக்ஸ் தளத்தில் டிசம்பர் 9 ஆம் தேதி வெளியாகும் என அறிவிக்கப்பட்டுள்ளது.