“அது வெறு வெளிச்சம் இல்லை… தரிசனம்”- காந்தாரா 2 ஃப்ர்ஸ்ட் லுக் ரிலீஸ் தேதி அறிவிப்பு!

கடந்த ஆண்டு செப்டம்பர் மாதம் ரிலீஸான காந்தாரா திரைப்படம் பாராட்டுகளைப் பெற்று  இந்தியா முழுவதும் வசூலில் கலக்கியது. ஆனால் இந்த திரைப்படத்தில் காடுகளில் வசிக்கும் பழங்குடி இன மக்களுக்கு எதிரான கருத்துகள் உள்ளதாக இடதுசாரியினர் கடுமையான விமர்சனங்களை வைத்தனர்.

இதையடுத்து இப்போது அதன் இரண்டாம் பாகத்தை உருவாக்கும் வேலைகள் தொடங்கியுள்ளதாக தயாரிப்பாளர் விஜய் கிரகந்தர் தெரிவித்திருந்தார். படத்தின் 100 ஆவது நாள் விழாவில் கலந்துகொண்ட இயக்குனர் ரிஷப் ஷெட்டி “காந்தாரா படம்தான் இரண்டாம் பாகம்.  இதற்கு பல ஆண்டுகளுக்கு முன்னர் நடக்கும் கதைதான் அடுத்த பாகத்தில் சொல்லப்பட உள்ளது. இந்த படத்தில் தெய்வத்தின் பின்னணி பற்றி சொல்லப்படும்.” எனக் கூறியுள்ளார்.

இந்நிலையில் இரண்டாம் பாகத்துக்கான ஆராய்ச்சிகளை ஒரு ஆண்டாக ரிஷப் ஷெட்டி செய்து வந்த நிலையில் டிசம்பர் மாதத்தில் ஷூட்டிங் தொடங்கும் என சொல்லப்படுகிறது. மேலும் இரண்டாம் பாகம் 100 கோடி ரூபாய் பட்ஜெட்டில் இந்த படம் உருவாகும் என சொல்லப்படுகிறது.

இந்நிலையில் காந்தாரா 2 படத்தின் முதல் லுக் போஸ்டர் நவம்பர் 27 ஆம் தேதி ரிலீஸாகும் என அதிகாரப்பூர்வமாக அறிவிக்கப்பட்டுள்ளது.