சென்னையில் கன்னட திரைப்படவிழா

சென்னையில் உள்ள ரஷ்ய பண்பாட்டு மையத்தில் கன்னட திரைப்படவிழா 28-ந்தேதி முதல் 31-ந்தேதி வரை 4 நாட்கள் நடக்கிறது.

இந்த விழாவை கர்நாடக சுற்றுலா துறை அமைச்சர் பியங்கா கார்கே தொடங்கி வைக்கிறார். திரைப்பட விழாவில் கர்நாடகாவில் வசூல் குவித்து விருதுகள் வாங்கிய 10 கன்னட மொழி திரைப்படங்கள் திரையிடப்படுகின்றன.

28-ந்தேதி திதி படமும் 29-ந்தேதி மிஸ்டர் அன்ட் மிஸிஸ் ராமாசாரி படமும் 29-ந்தேதி பஸ்ட் ராங்க் ராஜு படமும் 30-ந்தேதி ராங்கி தரங்கா, சிவலிங்கா படங்களும் 31-ந்தேதி கர்வா, யு டர்ன், மாரிகொன்டாவரு படங்களும் திரையிடப்படுகின்றன. மேலும் 2 கன்னட படங்களும் திரையிடப்படுகிறது. 

இதில் திதி திரைப்படம் உலக அளவில் கவனம் பெற்று சர்வதேச விருதுகளை வென்று வருகிறது. யு டர்ன் திரைப்படம் லூசியா படத்தை இயக்கியவரின் இரண்டாவது படம். சிவலிங்கா நம்மூர் பி.வாசு இயக்கியது. 

தவறவிடக்கூடாத திரைப்பட விழா.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்