மலையாள ரசிகர்களை சந்திக்கும் கமல்… கேரள விநியோகஸ்தர் வெளியிட்ட தகவல்!

நடிகர் கமல்ஹாசன் வரும் மே 27 ஆம் தேதி கேரளாவில் ஊடகங்கள் மற்றும் ரசிகர்களை சந்திக்கிறார்.

கமல்ஹாசன் விஜய் சேதுபதி பகத் பாசில் உள்பட பலர் நடித்த விக்ரம் திரைப்படத்தை லோகேஷ் கனகராஜ் இயக்கி வருகிறார். இந்த படம் வரும் ஜுன் மாதம் 3 ஆம் தேதி ரிலீஸாக உள்ளது. இந்த படத்துக்கும் அனிருத் இசையமைத்துள்ளார். கமல் நடிப்பில் நான்காண்டுகளுக்குப் பிறகு ரிலீஸ் ஆகும் முதல் படமாக விக்ரம் உருவாகி வருகிறது.

இந்த திரைப்படம் பேன் இந்தியா திரைப்படமாக ரிலீஸாகிறது. இதையடுத்து படத்துக்காக வித்தியாசமான முறையில் ப்ரமோஷன்கள் செய்யப்பட்டு வருகின்றன. அந்த வகையில் கேரளாவில் இந்த படத்துக்கு மிகுந்த எதிர்பார்ப்பு உள்ள நிலையில் வரும் மே 27 ஆம் தேதி கொச்சியில் உள்ள லூலூ மாலில் ஊடகங்கள் மற்றும் ரசிகர்களை கமல் சந்திக்கிறார். இந்த சந்திப்பின் போது இயக்குனர் லோகேஷ் கனகராஜும் உடன் செல்ல உள்ளார். இதை கேரளாவில் படத்தை வெளியிடும் ஷிபு தமீம்ஸ் அறிவித்துள்ளார்.