இந்தியன் 2 400 கோடி ரூபாய் வசூலாம்… கமல் ரசிகர்கள் ஒட்டிய போஸ்டர்!

கமல்ஹாசன் மற்றும் பல முன்னணி நடிகர்கள் நடிப்பில் ஷங்கர் இயக்கத்தில் லைகா நிறுவனத்தின் தயாரிப்பில்  எதிர்பார்ப்புகளுக்கு மத்தியில் ரிலீஸான இந்தியன் 2 திரைப்படம் படுமோசமான விமர்சனங்களை சந்தித்துள்ளது. இதுவரை ஷங்கர் கேரியரில் இல்லாத அளவுக்கு மோசமான வசூலையும் பெற்று வருகிறது.

மோசமான விமர்சனங்களாலும், கேலிகளாலும் படத்தில் இருந்து 12 நிமிட நேரத்தைக் குறைத்தனர். ஆனால் அப்போதும் அந்த படம் ரசிகர்களை தியேட்டருக்குள் ஈர்க்கவில்லை. இந்நிலையில் இந்தியன் 3 மீது ரசிகர்களுக்கு இருந்த எதிர்பார்ப்பு அப்படியே படுத்துவிட்டது. இதனால் திட்டமிட்டதற்கு முன்பே இந்த படம் ஓடிடியில் வெளியாகலாம் என சொல்லப்படுகிறது.

இந்நிலையில் கமல்ரசிகர்கள் இந்தியன் 2 திரைப்படம் 400 கோடி ரூபாய் வசூலித்துள்ளதாக போஸ்டர் அடித்து ஒட்டியுள்ளனர். மேலும் அந்த போஸ்டரில் “வெறுப்பைப் பரப்பினாலும் நெருப்பிடம் பலிக்காது. இந்தியன் 2 திரைப்படம் 20நாட்களைக் கடந்து 400 கோடி ரூபாய் வசூல். நெட்பிளிக்ஸில் 220 கோடி, உலகமெங்கும் 180 கோடி” எனத் தெரிவித்துள்ளனர்.