தமிழ், தெலுங்கு இரண்டு மொழிகளிலும் அடுத்தடுத்து நிறைய படங்களில் நடித்து வருகிறார் காஜல் அகர்வால்.
சினிமாவில் காஜல் அகர்வால் காலடி எடுத்துவைத்து 10 வருடங்களுக்கும் மேலாகிவிட்டது. இடையில் அவர் மார்க்கெட் டல்லடித்தாலும், தற்போது முன்னணி ஹீரோயின்களில் முக்கியமானவராக இருக்கிறார். விஜய்யுடன் ‘மெர்சல்’, அஜித்துடன் ‘விவேகம்’, ராணா டகுபதியுடன் ‘நேனே ராஜு நேனே மந்த்ரி’ என தமிழ், தெலுங்கில் பிஸியான நடிகையாக இருக்கிறார்.
இந்நிலையில், தமிழ் மற்றும் தெலுங்கில் ஒரு படத்தை இயக்கவிருக்கிறார் பி.வாசு. கதாநாயகிக்கு முக்கியத்துவம் கொடுக்கும் வகையில் கதை அமைக்கப்பட்டுள்ள இந்தப் படத்தில், காஜல் தான் ஹீரோயின். நயன்தாரா, த்ரிஷா போல கதாநாயகிக்கு முக்கியத்துவம் உள்ள படங்களில் நடிக்க ஆசைப்பட்ட காஜல், பி.வாசு இந்தப் படத்தின் கதையைச் சொன்னதும் உடனே ஓகே சொல்லிவிட்டாராம்.