கபாலி படத்தில் நடித்த நடிகை தன்ஷிகா தற்போது ஒரு படத்தில் விபச்சாரி வேடத்தில் நடிக்க ஒப்பந்தமாகியுள்ளார். இந்த படம் குறும்படம் என்பது குறிப்பிடத்தக்கது.
அரவான், திறந்திடு சீசே, பேராண்மை, யா யா என பல படங்களில் நடித்த நடிகை தன்ஷிகா சூப்பர் ஸ்டார் ரஜினி நடிக்கும் கபாலி படத்தில் நடித்திருக்கிறார். இவர் தற்போது, ஆனந்த் மூர்த்தி இயக்கத்தில் குறும்படம் ஒன்றில் விபச்சார நடிகையாக நடிக்க சம்மதம் தெரிவித்துள்ளார்.
ஆனந்த் மூர்த்தியிடம் கதையைக் கேட்ட நடிகை தன்ஷிகா உடனடியாக இந்த குறும்படத்தில் நடிக்க ஒப்புக்கொண்டுள்ளார். இந்த படத்தில் இவருக்கு தைரியமான ரோல் கொடுக்கப்பட்டுள்ளது.
அடுத்த வாரம் தொடங்க இருக்கும் இந்த படம் தமிழ், பெங்காலி என இரண்டு மொழிகளில் உருவாக இருக்கிறது. இவருடன் ஆவணப்பட இயக்குனர் பிதிடா பேக் நடிக்க உள்ளார். விபச்சாரி வேடம் என்றால் பல நடிகைகள் மறுக்கும் சூழ்நிலையில், குறும்படம் ஒன்றில் விபச்சாரி வேடத்தில் நடிக்க தன்ஷிகா ஒப்புக்கொண்டிருப்பது பாரட்ட வேண்டிய விஷயமே.