நடிகர் சூர்யா பாலா இயக்கத்தில் நடிக்கும் படத்தின் பெரும்பாலான காட்சிகள் கன்னியாகுமரியில் நடந்தது.
இயக்குனர் பாலா இயக்கத்தில் கடைசியாக வெளியான திரைப்படம் நாச்சியார். அதன் பிறகு அவர் இயக்கிய வர்மா திரைப்படம் தயாரிப்பாளரோடு ஏற்பட்ட கருத்து வேறுபாடு காரணமாக அந்த படத்தைக் கிடப்பில் போட்டுவிட்டு வேறொரு இயக்குனரை வைத்து முழுப் படத்தையும் எடுத்து ரிலீஸ் செய்தனர். இதையடுத்து இயக்குனர் பாலாவின் அடுத்த படம் குறித்த எதிர்பார்ப்பு இருந்த நிலையில் சூர்யா, அவர் இயக்கத்தில் நடித்து அந்த படத்தை தயாரிக்கவும் உள்ளதாக அறிவிக்கப்பட்டது.
இதையடுத்து 34 நாட்கள் கன்னியாகுமரியில் முதல் கட்ட படப்பிடிப்பு நடந்தது. இந்நிலையில் படப்பிடிப்புத் தளத்தில் சூர்யாவுக்கும் பாலாவுக்கும் இடையே மோதல் எழுந்து, சூர்யா அங்கிருந்து வெளியேறியதாக தகவல் வெளியாகி பரபரப்பை ஏற்படுத்தியது. ஆனால் அது உண்மையில்லை என்று தயாரிப்பு தரப்பு விளக்கம் அளித்தது.
இந்நிலையில் படத்தில் சூர்யா இரட்டை வேடத்தில் நடுப்பதாகவும் அது அப்பா மகன் என இரண்டு வேடமாக இருக்கும் என சொல்லப்படுகிறது. இதில் அப்பா வேடத்தில் நடிக்கும் சூர்யாவுக்கு ஜோடியாக ஜோதிகா நடிக்க உள்ளார் என சொல்லப்படுகிறது.