ஜுன் 10 திரைக்கு வரும் த்ரிஷாவின் நாயகி

த்ரிஷா இரண்டு வேடங்களில் நடித்துள்ள ஹாரர் காமெடி திரைப்படம், நாயகி ஜுன் 10 திரைக்கு வருகிறது.

நாயகி மையப் படங்களை தவிர்த்து வந்த த்ரிஷா விரும்பி ஒப்புக் கொண்ட நாயகி மையப் படம் நாயகி. 

எண்பதுகளின் காலகட்டமும், நிகழ்காலமும் வருவது போன்ற இந்த கதையில், எண்பதுகளின் திரைப்பட நாயகி, நிகழ்காலத்தின் சாதாரண பெண் என இரு வேடங்களில் த்ரிஷா நடித்துள்ளார். முதல்முறையாக படம் நெடுக காமெடியும் செய்துள்ளார்.

ஹாரர் காமெடிப் படமான இது தமிழ், தெலுங்கு இரு மொழிகளில் தயாராகியுள்ளது. இந்தப் படத்தை தேனாண்டாள் ஃபிலிம்ஸ் வரும் ஜுன் 10 -ஆம் தேதி வெளியிடுகிறது.