பிரதர் படத்தின் ரிலீஸின் பின்னணியில் நடந்த அதிரடி மாற்றம்!

நடிகர் ஜெயம் ரவி நடிப்பில் ராஜேஷ் எம் இயக்கத்தில் ஹாரிஸ் ஜெயராஜ் இசையில் உருவாகியுள்ள திரைப்படம் ‘பிரதர்’. இந்த படத்தின் படப்பிடிப்பு முடிவடைந்து உள்ள நிலையில் தீபாவளிக்கு படம் ரிலீஸாகிறது. இந்த படத்தில் ரவியுடன் பிரியங்கா மோகன், பூமிகா, நட்டி நட்ராஜ் உள்ளிட்ட ஏராளமானோர் நடித்துள்ளனர். அக்கா தம்பிக்கு இடையிலான உறவை சொல்லும் நகைச்சுவை படமாக பிரதர் உருவாகியுள்ளது.

படத்தின் டீசர் மற்றும் பாடல்கள் வெளியாகி கவனம் ஈர்த்துள்ளன. குறிப்பாக படத்தில் இடம்பெற்ற மக்காமிஷி என்ற பாடல் சென்சேஷன் ஹிட்டாகியுள்ளது. இது படத்தின் மீதான எதிர்பார்ப்பைத் தூண்டியுள்ளது. படத்தின் ரிலீஸை ஒட்டி இப்போது ப்ரமோஷன் பணிகள் விறுவிறுப்பாக நடைபெற்று வருகின்றன.

இந்நிலையில் இந்த படத்தின் தமிழக ரிலீஸ் உரிமையை கடைசி நேரத்தில் ரெட் ஜெயண்ட் மூவிஸ் நிறுவனம் கைப்பற்றியுள்ளதாக தகவல் வெளியாகியுள்ளது. ஏற்கனவே அமரன் திரைப்படத்தை ரெட் ஜெயண்ட் மூவிஸ் நிறுவனம் வெளியிடும் நிலையில் அதே நாளில் வெளியாகும் பிரதர் படத்தையும் வெளியிடுகிறது.