ஜெயம் ரவி தற்போது டிக் டிக் டிக் என்ற படத்தில் நடித்து வருகின்றார். தொடர்ந்து வித்தியாசமான கதைகளை தேர்ந்தெடுத்து நடித்து வருகின்றார். இப்படம் விண்வெளி சம்மந்தப்பட்ட கதையாம்.
மிருதன் படத்தை இயக்கிய சக்தி சௌந்தராஜனே இப்படத்தையும் இயக்கியுள்ளார். இப்படத்தின் டீசரை சமீபத்தில் டி.இமான் பார்த்துள்ளார். இந்த டீசர் தன்னை மிகவும் கவர்ந்ததாகவும், இதன் விஷ்வல் பார்த்து அசந்துவிட்டதாகவும் அவர் கூறியுள்ளார்.
விண்வெளி சம்பந்தப்பட்ட கதையை மையமாக வைத்து எடுக்கப்பட்டு வரும் இப்படத்தின் படப்பிடிப்பிற்காக ஏவிஎம் ஸ்டூடியோவில் பிரம்மாண்ட செட்டுகளும் போடப்பட்டுள்ளது. இப்படத்தினை நேமிசந்த் ஜபக் புரொடக்ஷன்ஸ் நிறுவனம் பிரம்மாண்டமாக தயாரிக்கிறது.
இந்தப் படத்தில் ஜெயம் ரவியின் மகன் ஆரவ்வும் நடிக்கிறார் என்பது குறிப்பிடத்தக்கது.
