ஜெய் பீம் படத்துக்கு முதலில் வைத்திருந்த பெயர் இதுதானாம்… வெளியான தகவல்!

நடிகர் சூர்யா, மணிகண்டன் மற்றும் லிஜோமோல் ஜோஸ் ஆகியவர்கள் நடித்திருக்கும் ஜெய் பீம் திரைப்படம் மிகப்பெரிய வெற்றியைப் பெற்றுள்ளது.

நடிகர் சூர்யா நடிப்பில் தா.செ.ஞானசேகர் இயக்கத்தில் உருவாகியிருக்கும் படம் ஜெய்பீம். பழங்குடி மக்களுக்கான நீதியை வலியுறுத்தி எடுக்கப்பட்டுள்ள இந்த படத்தை சூர்யாவின் 2டி நிறுவனமே தயாரித்துள்ளது. இந்த படம் அமேசான் ஓடிடியில் தற்போது வெளியாகியுள்ளது. இந்த படத்தின் தலைப்பு முன்பாக பா.ரஞ்சித்திடம் இருந்ததாகவும், சூர்யா கேட்டதும் அதை அவர் தாராளமாக தந்ததாகவும் சூர்யா கூறியிருந்தார்.

இந்நிலையில் இப்போது ஜெய்பீம் படத்துக்கு அதற்கு முன்பாக வைத்திருந்த தலைப்பு என்ன என்பது தெரிய வந்துள்ளது. இந்த படத்தில் வசனப் பங்களிப்பில் பணியாற்றிய எழுத்தாளர் கண்மணி குணசேகரன் தன்னுடைய சமூகவலைதளப் பதிவொன்றில் படத்துக்கு முதலில் எலி வேட்டை எனப் பெயர் வைத்திருந்ததாகக் கூறியுள்ளார்.