அது வேண்டாம்... விஜய்யின் அதிரடி முடிவு

பஞ்ச் வசனங்களை பிரபலப்படுத்தியவர் ரஜினி. அவரது படம் என்றால் பஞ்ச் வசனம் கண்டிப்பாக இடம்பெறும்.

அப்படிப்பட்ட ரஜினியே கபாலியில் பஞ்ச் வசனம் பேசவில்லை. அப்படியிருக்க, நமக்கேன் பஞ்ச் வசனம் என்று நினைத்திருப்பார் போலிருக்கிறது விஜய்.

பரதன் இயக்கத்தில் அவர் நடித்துவரும் படத்தில், கதைக்கும், காட்சிக்கும் பொருந்தாத (பஞ்ச்) வசனங்களை வைக்க வேண்டியதில்லை என்று இயக்குனர் பரதனை அவர் கேட்டுக் கொண்டுள்ளாராம்.

விஜய் 60 என்று அழைக்கப்படும் இந்தப் படத்தை விஜயா வாஹினி தயாரிக்கிறது. சந்தோஷ் நாராயணன் இசை. சதீஷ், கீர்த்தி சுரேஷ் உள்ளிட்டவர்கள் நடிக்கின்றனர். அடுத்த வருட பொங்கலுக்கு படத்தை வெளியிட திட்டமிட்டுள்ளனர்.

விஜய்யே தனது படத்தில் பஞ்ச் வசனம் வேண்டாம் என்றிருப்பது தமிழ் சினிமாவில் மாறிவரும் ஆரோக்கிய சூழலை காட்டுகிறது.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்