'சேல்' ஆகலை... சொந்தமாக படத்தை வெளியிடும் தர்மதுரை தயாரிப்பாளர்

சீனு ராமசாமி இயக்கிய இடம் பொருள் ஏவல் படத்தை யாரும் வாங்காததால், அதன் பிறகு தயாரித்த படங்களை  வெளியிட்டது திருப்பதி பிரதர்ஸ்.

அவர்களின் துரதிர்ஷ்டம், உத்தம வில்லன் படத்தை தயாரித்தது. அப்படம்  ஏற்படுத்திய நஷ்டத்தால் இன்றுவரை இடம் பொருள் ஏவலை வெளியிட முடியாதநிலை.

சீனு ராமசாமி நம்மை அறிமுகப்படுத்தியவராயிற்றே என்று சீனு ராமசாமிக்கு மீண்டும் கால்ஷீட் தந்தார் விஜய்  சேதுபதி. அப்படி உருவான படம்தான் தர்மதுரை. இறுதிகட்ட பணிகளில் இருக்கும் இந்தப் படத்தையும் வாங்க  தயக்கம் காட்டுகிறார்களாம்.

அதனால், படத்தை தயாரித்த ஆர்.கே.சுரேஷே படத்தை தமிழகம் முழுவதும் வெளியிடுவது என்று முடிவு  செய்துள்ளார். முதல்கட்டமாக ஆகஸ்ட் 3 படத்தின் பாடல்களை வெளியிடுகின்றனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்