ராஜமெளலி இயக்கத்தில் பிரபாஸ், அனுஷ்கா உள்ளிட்டோர் நடித்த பாகுபலி 2 படம் உலக அளவில் ரூ.1,700 கோடிக்கும் மேல் வசூல் செய்தது. பாகுபலி 2 படத்தை முடித்த பிறகு அவர் ஓய்வெடுக்க அமெரிக்கா சென்றார்.
அமெரிக்காவில் இருந்து ஊர் திரும்பியுள்ள பிரபாஸ் தாடி, மீசை இல்லாமல் மொழுக்கென்று இருக்கும் புகைப்படம் வெளியாகி சமூக வலைதளத்தில் வைரலாகியுள்ளது.
பாகுபலி, பாகுபலி 2 வெற்றிக்கு பிறகு பிரபாஸ் உலகம் முழுவதும் அறிந்த பிரபலமாகிவிட்டார். ஓய்வெடுக்க அமெரிக்கா சென்றபோது எங்கு சென்றாலும் மக்கள் பிரபாஸை அடையாளம் கண்டு கூட்டம் கூடுவதை தவிர்க்கவே இவ்வாறு செய்துள்ளாராம். தன்னை யாருக்கும் அடையாளம் தெரியாமல் இருக்க தாடி, மீசையை எடுத்துவிட்டு தொப்பியும், கண்ணாடியும் அணிந்து அமெரிக்காவில் ஊர் சுற்றியுள்ளார் பிரபாஸ். ஆனால் இதை அவர் வேண்டும் என்று செய்யவில்லையாம்.