கிராபிக்ஸ் பணிகள் தாமதம்... மீண்டும் தள்ளிப் போகிறது தொடரி

கிராபிக்ஸ் பணிகள் முடியாததால் பிரபுசாலமனின் தொடரி திரைப்படம் மீண்டும் தள்ளிப்போகும் நிலை ஏற்பட்டுள்ளது.

பிரபுசாலமன் இயக்கத்தில் தனுஷ், கீர்த்தி சுரேஷ் நடித்துள்ள இந்தப் படத்தின் கிளைமாக்ஸில் சென்ட்ரல் ரயில்நிலையத்தில் கட்டுப்பாடிழந்த ரயில் மோதுவது போல் காட்சி வைத்துள்ளனர். கிராபிக்ஸில் இந்த காட்சியை உருவாக்கி வருகின்றனர். 

எதிர்பார்த்தபடி இந்த காட்சியை அமைக்க இன்னும் பல தினங்கள் ஆகும் என படக்குழு கூறியுள்ளது. அதனால் ஆகஸ்ட் 12 வெளியாகும் என கூறப்பட்ட இந்தப் படம் ஆகஸ்ட் 19 அல்லது ஆகஸ்ட் இறுதியில் திரைக்கு வரும் என்கிறார்கள்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்