லோகேஷ் படத்தில் நடிப்பதை உறுதி செய்த பிரபல இயக்குனர்- நடிகர்!

லோகேஷ் கனகராஜ் இயக்கத்தில் விஜய் அடுத்து நடிக்க உள்ள படத்தை ‘தளபதி 67’ என்று அழைக்கப்படுகிறது.

விக்ரம் என்ற சூப்பர் ஹிட் படத்தைக் கொடுத்த இயக்குனர் லோகேஷ் கனகராஜ், அடுத்து விஜய் நடிக்கும் தளபதி 67 படத்தை இயக்க உள்ளார். இந்த படமும் ஒரு மல்டிஸ்டார் படமாகவே உருவாக உள்ளது. ஜனவரி மாதம் இந்த படத்தின் ஷூட்டிங் தொடங்க உள்ளது.

இந்நிலையில் இந்த படத்தின் பெரும்பாலான காட்சிகளை இயக்குனர் லோகேஷ் காஷ்மீரில் படமாக்க உள்ளாராம். இதற்காக 50 நாட்கள் அங்கு தங்கி விஜய் உள்ளிட்ட படக்குழுவினர் படப்பிடிப்பை நடத்த உள்ளதாக சொல்லப்படுகிறது. ஜனவரி மாதம் இந்த படத்தின் படப்பிடிப்பு தொடங்கும் என சொல்லப்படுகிறது.

இந்த படத்தில் வில்லன்களாக கௌதம் மேனன், மிஷ்கின், அர்ஜுன், சஞ்சய் தத் உள்ளிட்ட ஏராளமானோர் நடிக்க உள்ளதாக தகவல்கள் வெளியாகியுள்ளன. இந்நிலையில் சமீபத்தில் கலந்துகொண்ட ஒரு நிகழ்ச்சியில்  பேசும்போது கௌதம் மேனன் லோகேஷ் படத்தில் நடிப்பதை உறுதி செய்துள்ளார்.