பிரபல இசையமைப்பாளரும் நடிகருமான ஜி.வி.பிரகாஷ் தற்போது இளையதலைமுறை நடிகர்களில் ஒருவராக முன்னேறி வருகிறார். ஒரே நேரத்தில் பல படங்களில் நடிக்கும் பிசியான நடிகராக விளங்கும் இவர் சமீபத்தில் '4G' என்ற படத்தில் நடிக்க ஒப்பந்தமானார்.
இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் ஃபர்ஸ்ட்லுக் பிப்ரவரி 23ஆம் தேதி வெளியாகவுள்ளதாக அறிவிக்கப்பட்டுள்ளது. இந்த தகவலை ஜி.வி.பிரகாஷ் தனது டுவிட்டரில் உறுதி செய்துள்ளார்.
பிரமாண்ட இயக்குனர் ஷங்கரின் உதவியாளர் வெங்கட்பக்கார் இயக்கி வரும் இந்த படத்தில் ஜி.வி.பிரகாஷ், காயத்ரி சுரேஷ், சுரேஷ் மேனன், சதீஷ் உள்பட பலர் நடித்து வருகின்றனர். ஜி.வி.பிரகாஷ் இசையமைக்கும் இந்த படத்தை சி.வி.குமாரின் திருக்குமரன் எண்டர்டெயின்மெண்ட் நிறுவனம் தயாரித்து வருகிறது.