பிக்பாஸ் வீட்டு கேமராவுலயே வீடியோ பதிவு போட்ட ஜி பி முத்து!

கடந்த 5 ஆண்டுகளாக தொடர்ந்து 5 சீசன்கள் வெற்றிகரமாக ஒளிபரப்பான பிக்பாஸ் நிகழ்ச்சியின் 6வது சீசன் நேற்று முதல் தொடங்கியுள்ளது. இதன் முதல் நாள் எபிசோட் இன்று ஒளிபரப்பாக உள்ள நிலையில் முதல் ப்ரோமோ இன்று வெளியாகியுள்ளது. இந்த ஆண்டு போட்டியாளர்களில் அனைவரையும் கவர்ந்த ஒரு போட்டியாளராக டிக்டாக் பிரபலம் ஜி பி முத்து அமைந்துள்ளார். முதல் நாளே பிக்பாஸ் வீட்டுக்குள் தனியாக இருக்க முடியாமல் அவர் புலம்பியது வைரல் ஆனது.

இதற்கிடையே இரவு தூங்கி கொண்டிருந்த ஜி.பி.முத்துவை ராபர்ட் மாஸ்டர் பதுங்கி சென்று காலில் சுரண்டியுள்ளார். இதனால் அதிர்ச்சியடைந்த ஜி.பி.முத்து படுக்கையிலிருந்து தவறி விழுந்தார். இந்த வீடியோவும் சமூக வலைதளங்களில் வைரலாகியுள்ளது.

இந்நிலையில் நேற்று பிக்பாஸ் வீட்டுக்குள் இருக்கும் கேமரா மூலமாக தன்னிடம் அடிக்கடி வம்பிழுக்கும் பேப்பர் ஐடி காரர்களுக்கு பதிலளிக்கும் விதமாக ஜி பி முத்து பேசி இருப்பது கவனத்தை ஈர்த்துள்ளது.