சூர்யா 45 படத்தின் ஒளிப்பதிவாளர் இவர்தானா?... வெளியான தகவல்!

’தீரன் அதிகாரம் ஒன்று’, ’கைதி’, ’சுல்தான்’, மற்றும் ‘என் ஜி கே’ உள்ளிட்ட படங்களைத் தயாரித்த டிரீம் வாரியர்ஸ் பிக்சர்ஸ் நிறுவனம் அடுத்து சூர்யா நடிப்பில் ஆர் ஜே பாலாஜி இயக்கும் படத்தைத் தயாரிக்கவுள்ளது. இந்த படத்துக்கு ஏ ஆர் ரஹ்மான் இசையமைக்கிறார்.

மிகக் குறுகிய கால படமாக உருவாகவுள்ள இந்த படம் அடுத்த ஆண்டு மத்தியில் ரிலீஸாக வாய்ப்புள்ளதாக சொல்லப்படுகிறது. இந்த படத்தில் காஷ்மீரா பரதேசி கதாநாயகியாக நடிக்க ஒப்பந்தம் ஆகியுள்ளார். மற்ற நடிகர் நடிகைகள் மற்றும் தொழில்நுட்பக் கலைஞர்கள் பற்றிய விவரம் விரைவில் வெளியாகும் எனத் தெரிகிறது.

இந்த படத்தின் ஷூட்டிங் நவம்பர் மூன்றாவது வாரத்தில் கோயம்புத்தூரில் நடக்கவுள்ளதாக சொல்லப்படுகிறது. அதற்கான முன் தயாரிப்புப் பணிகள் தற்போது நடந்து வரும் நிலையில் படத்துக்கு ஒளிப்பதிவாளராக மெர்சல் மற்றும் ஜவான் ஆகிய படங்களின் ஒளிப்பதிவாளர் ஜி கே விஷ்ணு ஒப்பந்தம் ஆகியுள்ளதாக தகவல்கள் வெளியாகியுள்ளன. இந்த் படம் ஒரு ஆன்மீக பேண்டசி படமாக உருவாகவுள்ளதாக தகவல்கள் பரவி வருகின்றன.