‘சூப்பர் ஸ்டாருக்கு’ வில்லனான விஷால்

மலையாள சூப்பர் ஸ்டார் மோகன்லால் நடிக்கும் மலையாளப் படத்தில், வில்லனாக நடிக்கிறார் விஷால். பி.உன்னிகிருஷ்ணன் இயக்கத்தில் மோகன்லால் நடிக்கும் படம் ‘வில்லன்’. 

கே.எஸ்.ரவிகுமார் இயக்கத்தில் அஜீத் நடித்த தமிழ்ப் படத்தின் பெயர் இது. இந்தப் படத்தில், வில்லனாக நடிக்கிறார் விஷால்.  இது அவருக்கு முதல் மலையாளப் படம். 

தமிழில் ஹீரோவாக நடிக்கும் அவர், முதல் படத்திலேயே வில்லனாக நடிக்கும் அளவுக்கு அவருடைய கேரக்டர் பவர்புல்லாக  இருக்கிறதாம். அத்துடன், படத்தின் தலைப்பும் அவரை மையப்படுத்தி இருப்பதால், டபுள் ஓகே சொல்லிவிட்டார் விஷால். மஞ்சு வாரியர், ஹன்சிகா, ராஷி கண்ணா ஆகியோரும் இந்தப் படத்தில் நடிக்கின்றனர். ஹன்சிகாவுக்கும் இது முதல் படம் என்பது  குறிப்பிடத்தக்கது.