அண்ணி ஜோதிகா நடித்துள்ள ‘மகளிர் மட்டும்’ படத்தில், பாடல் ஒன்றைப் பாடியுள்ளார் கார்த்தி.
பிரம்மா இயக்கத்தில் ஜோதிகா, சரண்யா பொன்வண்ணன், ஊர்வசி, பானுப்பிரியா, நாசர், லிவிங்ஸ்டன் நடிப்பில் உருவாகியுள்ள படம் ‘மகளிர் மட்டும்’. ஜிப்ரான் இசையமைத்துள்ள இந்தப் படத்தை, ‘2டி எண்டர்டெயின்மெண்ட்ஸ்’ மூலம் சூர்யா தயாரித்துள்ளார்.
இந்தப் படத்தில், ‘குபு குபு குபு’ என்று தொடங்கும் பாடலை, நடிகர் கார்த்தி பாடியுள்ளார். பயணத்தின்போது இடம்பெறும் பாடலாக இது அமைந்துள்ளது. இந்தப் பாடலை விவேக் எழுதியுள்ளார். மேலும், சரண்யா பொன்வண்ணன், ஊர்வசி, பானுப்பிரியா ஆகியோரும் ஆளுக்கொரு பாடலில் குரல் கொடுத்துள்ளனர்.