அஜித்தின் ‘குட் பேட் அக்லி’ படத்தில் இணைந்த பிரபல நடிகர்கள்!

அஜித், இயக்குனர் மகிழ் திருமேனி இயக்கத்தில் நடித்த விடாமுயற்சி திரைப்படம் பொருளாதார காரணங்களால் தாமதமான நிலையில் எதிர்பார்த்ததை விட முன்பாகவே  ஆதிக் ரவிச்சந்திரன் இயக்கும் ‘குட் பேட் அக்லி’ திரைப்படத்தில் நடிக்கத் தொடங்கினார்.

இந்த படத்துக்கு தேவி ஸ்ரீ பிரசாத் இசையமைக்கிறார். தெலுங்கு சினிமாவின் முன்னணி தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்கிறது. இந்த படத்தின் ஷூட்டிங் திட்டமிடப்பட்டதை விட முன்பே மே மாதம் தொடங்கி ஐதராபாத்தில் சில நாட்கள் நடந்து முடிந்தது. அதன் பின்னர் கடந்த சில வாரங்களாக மீண்டும் நடந்த அடுத்த கட்ட ஷூட்டிங் தற்போது நிறைவடைந்துள்ளது.

இதையடுத்து முக்கியமானக் காட்சிகளைப் படமாக்க படக்குழு ஸ்பெயின் நாட்டுக்கு செல்ல உள்ளதாக சொல்லப்படுகிறது. அதற்கான விசா உள்ளிட்ட பணிகள் தற்போது நடந்து வருவதாக சொல்லப்படுகிறது. இந்நிலையில் இப்போது இந்த படத்தில் டாக்டர் படத்தில் நடித்த இரட்டையர்களான ராஜிவ் லக்‌ஷ்மனன் மற்றும் ரகுராம் ஆகியோர் இணைந்துள்ளனர். அதே போல சலார் படத்தில் நடித்த கார்த்திகேயா தேவ் அஜித்தின் மகனாக நடிக்க ஒப்பந்தம் செய்யப்பட்டுள்ளதாக சொல்லப்படுகிறது.