துல்கர் சல்மான் நடிக்கும் லக்கி பாஸ்கர் படத்தின் முதல் சிங்கிள் ரிலீஸ் எப்போது?... வெளியான தகவல்!

தமிழ் மற்றும் தெலுங்கில் தனுஷ், சம்யுக்தா மற்றும் சமுத்திரக்கனி நடிப்பில் கடந்த சில மாதங்களுக்கு முன்னர் ரிலீஸான திரைப்படம் வாத்தி. இந்த படத்தை தெலுங்கு இயக்குனரான வெங்கட் அட்லூரி இயக்கி இருந்தார். கலவையான விமர்சனங்களை பெற்றிருந்தாலும் இந்த படம் வசூலில் குறைவைக்கவில்லை.

இதையடுத்து வெங்கட் இயக்கும் அடுத்த பேன் இந்தியா படமான லக்கி பாஸ்கர் படத்தில் துல்கர் சல்மான் நடிக்கிறார். இந்த படத்தின் அதிகாரப்பூர்வ அறிவிப்பு சில மாதங்களுக்கு முன்னர் வெளியானது. இந்த படத்தை சித்தாரா எண்டர்டெயின்மெண்ட் மற்றும் பார்ச்சூன் ஃபோர் சினிமா ஆகிய நிறுவனங்கள் இணைந்து தயாரிக்கின்றன.

இந்த படத்தின் டீசர் கடந்த ஏப்ரல் மாதம் வெளியாகி கவனம் ஈர்த்தது. பீரியட் படமாக உருவாகி வரும் இந்த படத்தில் வங்கி ஊழியராக துல்கர் சல்மான் நடிக்கிறார். படம் ஒரு வங்கிக் கொள்ளை சம்பவத்தை மையமாகக் கொண்டு உருவாக்கப்பட்டுள்ளது என சொல்லப்படுகிறது. இந்நிலையில் இந்த திரைப்படம் செப்டம்பர் 7 ஆம் தேதி ரிலீஸாகும் என அதிகாரப்பூர்வமாக அறிவிக்கப்பட்டுள்ளது.

இந்நிலையில் நாளை இந்த படத்தின் முதல் சிங்கிள் பாடல் ரிலீஸ் ஆகும் என அறிவிக்கப்பட்டுள்ளது.  ஐந்து மொழிகளில் ஜி வி பிரகாஷ் இசையில் இந்த பாடல் வெளியாகவுள்ளது என்பது குறிப்பிடத்தக்கது.