''டாக்டர், நடிகர், இயக்குநர் மூவரும் ஒன்றுதான்!''- மிஷ்கின்

டபுள் டக்கர் படத்தின் பத்திரிகையாளர் சந்திப்பின்போது, டாக்டர்,  நடிகர், இயக்குநர் மூவரும்  ஒன்றுதான் என்று தெரிவித்துள்ளார்.

தீரஜ், ஸ்முரிதி வெங்கட், கோவை சரளா, எம்.எஸ்.பாஸ்கர் உள்ளிட்டோர் நடிப்பில் உருவாகியுள்ள படம் டபுள் டக்கர். இப்படத்தின் பத்திரிகையாளர் சந்திப்பு  நடைபெற்றது.

இதில் இயக்குனர் மிஷ்கின் கூறியதாவது:இந்த நிகழ்ச்சியில் கலந்துகொள்ள வேண்டும் என்பதற்காக ஷூட்டிங்கை கேன்சல் செய்துவிட்டேன்.  ஏனென்றால் தீரஜ்ஜை எனக்கு அவ்வளவு பிடிக்கும். அவர் இதுவரை 500 உயிரையாவது காப்பாற்றியிருப்பார்.

அவன் ஒரு இதய அறுவைச் சிகிச்சை நிபுணன், அவன் அனுக்கான உயரத்தை எப்போதோ அடைந்துவிட்டான். அதையும் மீறி ஒரு ஆக்டர் ஆக வேண்டும் என விரும்புகிறான். என்னைப் பொருத்தவரை டாக்டர், நடிகர், இயக்குனர்  மூவரும் ஒன்றுதான் என்று தெரிவித்தார்.

மேலும், டாக்டர் இதயத்தை அப்படி திறந்து, அதில் இருக்கும் பிரச்சனையை சரி செய்கிறார். அதுபோல் கதை சொல்லியாகிய இயக்குனர் இதயத்தை திறக்காமல் திறந்து ரசிகரின் ரணஹ்தை ஆற்றி சிந்திக்க சிரிக்க வைக்கிறான் எனவே மூவரும் ஒன்றுதான் என்று கூறினார்.